Pronóstico de Tutiempo.net
Facebook Twitter Vimeo

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

Música, cinema, gastronomía e deporte no Verán Cultural de Tui

Undefined

A música encherá o verán tudense nos distintos actos previstos dende esta fin de semana até o mes de setembro. A programación, que inclúe tamén cinema, deporte e gastronomía, foi presentada este mediodía na casa do concello. Esta oferta cultural vén recollida no número 36º da Axenda Corredoira Cultural da que se editan 15 mil exemplares que son distribuídos en Tui e Valença.  Esta publicación achega tamén a programación de outono/inverno conformada por oito eventos que se celebrarán no Teatro Municipal de Tui de outubro a decembro.

Falaredes: Xoán Curiel con “A casa do terror”

Cancións, danzas, teatro, clown e a participación do público para contar a historia dun grupo de amigos que se ve na obriga de durmir nun edificio encantado. Todo da man de Xoán Curiel acompañado pola banda Son+d2 e bailarina Marta Alonso no programa Falaredes. A cita será o xoves, 27 de setembro, ás 19 h no Teatro Municipal. 

Dirixido a nenos de 7 a 12 anos. Retirada dun máximo de 2 entradas de balde por persoa dende media hora antes.

 

 

Vive o Camiño: Celso F. Sanmartin e MJ Pérez

O ciclo “Vive o Camiño” organizado polo Xacobeo recala en Tui, punto de entrada dos peregrinos a Galicia dende Portugal. O xoves, 30 de agosto, ás 21.00 h na Praza de San Fernando o poeta e contacontos Celso F.Sanmartin “Celsiño” achegará ao público relatos, historias e memorias vinculadas á tradición oral galega. Mentres a cantautora MJ Pérez  na súa actuación fusionará estilos musicais nunha interpretación na que a súa voz, e mensaxe toman relevancia.

*En caso de choiva celebrarase na Área Panorámica

 

29º Curso de Verán “Tamara Brooks” de Dirección Canto e Dirección

Tui é dende 2010 a sede do curso “Tamara Brooks” de Dirección, Canto e Orquestra que se vai celebrar do 1 ao 14 de agosto. A edición de 2018 pecharase cun concerto, o martes 14 de agosto, ás 21.30 h na Catedral a cargo do coro e orquestra de alumnos e profesores acompañados ao órgano por Rasa Biveiniene e baixo a dirección de Fernando Briones e Julio Domínguez. Un evento de clausura organizado pola Asociación Amigos da Catedral de Tui co patrocinio da concellería de Cultura.

Páxinas

Subscribirse a RSS - Cultura