Buscador Concello de Tui Usuario: Contrasinal: Rexistrarme
   

Concello de Tui
Departamentos
Outros

Artesacía estreará o seu espectáculo “Chola a it girl” no Teatro Municipal de Tui
Data: 11-10-2017- 14:31 h.
910 veces
NOVA

Esta mañá na sala de reunión da casa do concello de Tui tivo lugar por parte da Compañía Artesacía a presentación de “Chola a it girl”, espectáculo que se estrea o vindeiro 20 de outubro no Teatro Municipal como parte da programación de Outono no Teatro.

O alcalde de Tui, Enrique Cabaleiro, e a concelleira de Cultura, María José González, foron os encargados de acompañar neste acto a Laura Villaverde, artífice deste proxecto que engloba moito máis que teatro.

Tanto Enrique Cabaleiro como María José González coincidiron en resaltar o importante que supón contar con estreas no Teatro de Tui e, sobre todo, en que é un orgullo cando se trata de artistas locais coma Laura Villaverde, natural da parroquia de Guillarei.

Laura Villaverde é o 50% de ArtesaCía e a autora, directora e intérprete dun espectáculo que se presenta arroupado por un blog, unha canle de Youtube e incluso unha liña de moda. O outro 50% represéntao Roi Fernández, responsable da parte audiovisual do proxecto.

Na presentación desta mañá Laura Villaverde introduciu “Chola a it girl” como parte do proxecto cultural “Chola e Lola”. Neste espectáculo teatral a protagonista explica o xeito de converterse nunha “It girl rectificada” en 10 sinxelos pasos coa finalidade de darlle repercusión ás vidas imperfectas das mulleres do rural.

  Concello de Tui (Praza do Concello, 1) 36700 TUI - Tfno.: 986.603625