O sábado 12 de agosto celebrarase o VI Torneo Eurocidade de Balonmán
1/08/2017
Será no novo pavillón municipal de Tui a partir das 19h
O sábado, 12 de agosto, a partir das 19.00 horas españolas, no novo pavillón deportivo municipal de Tui, celebrarase o VI Torneo Eurocidade de Balonmán, organizado pola Eurocidade Tui-Valença, en colaboración co Club Balonmán Tui e a Federación Galega de Balonmán.
No mesmo disputaranse dous partidos, un entre os equipos femininos do Balonmán Porriño e o SAR de Redondela, e outro entre os equipos masculinos do Condes de Albarei Teucro e o portugués Aguas Santas.
Os horarios dos partidos serán os seguintes:
- 19.00 horas – Balonmán Porriño Vs SAR Redondela
- 20.30 horas – Condes de Albarei Teucro Vs Aguas Santas
A entrada será de balde.