O Trilho Insua do Crasto pecha este sábado 13 de decembro o Circuito de Andainas Saudables da Eurocidade 2014

Martes, 9 de decembro de 2014. Este sábado, 13 de decembro, terá lugar a derradeira andaina de 2014 do programa de Andainas Saudables da Eurocidade, organizada pola Eurocidade Tui-Valença. Nesta ocasión será polo Trilho Insua do Crasto que percorrerá a freguesía de Friestas.

A distancia do trilho será de ao redor de 10 quilómetros, cunha duración aproximada de catro horas e media, sendo o grado de dificultade baixo.

O punto de saída será na Igrexa Matriz de Friestas, ás 10.00 horas españolas, tendo o punto de encontro alternativo, ás 09.45 horas españolas no aparcamento do Lidl de Valença.

Esta andaina pecha o Circuito de Andainas Saudables da Eurocidade cunha participación media de máis de 100 participantes, que volverá no mes de marzo de 2015 con novos percorridos pola Eurocidade Tui-Valença.