Sara Tui, Gustavo Rodríguez e Rodrigo Conde galardoados co Premio Deporte Tudense de 2019
O deporte tudense viviu onte á noite a súa festa na celebración da VIII Gala do Deporte Tudense, na que o Concello de Tui quixo recoñecer os éxitos deportivos acadados ao longo da pasada temporada.
A futbolista Sara Tui foi galardoada co premio Deporte Tudense na categoría feminina. Un galardón que recolleu a súa nai Mª del Mar Rodríguez. Sara Tui proclamouse o ano pasado campioa do Mundo de Fútbol Praia coa Selección Española e campioa de Europa de Fútbol Praia a nivel club.