Pronóstico de Tutiempo.net
Facebook Twitter Vimeo

O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.

Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.

Mañá mércores ás 12.30h preséntase o V Campionato Ibérico de Kung Fu

Undefined

Mañá mércores, 20 de xuño, ás 12.30 horas españolas, terá lugar a presentación do V Campionato Ibérico de Kung Fu Eurocidade, no salón de plenos do Concello de Tui. Este evento, que se celebrara este domingo 24 de xuño, está organizado polo Club Deportivo Di Som Tui, en colaboración coa Eurocidade Tui-Valença e a Federación Galega de Kung Fu.

Ás 11.30h preséntase a Aloiada 2018

Undefined

Hoxe venres 8 de xuño, ás 11.30 horas, no salón de plenos do Concello de Tui, terá lugar a presentación da actividade Aloiada 2018, organizada polos colexios CEIP Nº1, Nº2, Pazos de Reis, Guillarei, Rebordáns, Maristas, Randufe e Caledas,  en colaboración co Concello de Tui, no que máis de 200 nenos e nenas de sexto de primaria destes colexios, realizarán diferentes actividades deportivas no Parque Natural do Monte Aloia e no río Miño, os días 14 e 15 de xuño.

Este sábado celébrase en Tui a segunda proba do III Campionato Galego Inclusivo de Slalom de Motonáutica

Undefined

Tui volve a ser sede dunha das probas do Campionato Galego Inclusivo de Slalom de Motonáutica, organizado polo Club Sen Amarras, coa colaboración da Federación Galega de Motonáutica e do Concello de Tui, no que participarán deportistas con e sen discapacidade.

A Eurocidade 10 destinará o importe íntegro da inscrición aos afectados de Paramos

Undefined

Este domingo celebrarase a VII Eurocidade 10 organizada pola Eurocidade Tui-Valença e o Club Atletismo Tui. Esta proba de atletismo será solidaria cos afectados de Paramos, para quen será recadación íntegra da proba, pero amais poranse á venda, o mesmo domingo, camisetas solidarias ao prezo de 5€.

A presentación deste evento deportivo tivo lugar esta tarde na casa do concello de Tui coa presenza do alcalde, Carlos Vázquez Padín, o concelleiro de Deportes, Andrés Urseira, o vereador de Desporto de Valença, José Monte, e o presidente do club Atletismo Tui, Rafael Pérez.

Hoxe luns ás 17h preséntase a VII Eurocidade 10 que terá carácter solidario cos afectados de Paramos

Undefined

Hoxe luns, 4 de xuño, ás 17.00 horas, na sala de reunións do Concello de Tui, terá lugar a presentación da VII Eurocidade 10, proba atlética de dez quilómetros, organizada pola Eurocidade Tui-Valença e o Club Atletismo Tui-Thermalia, que se realizará o domingo 10 de xuño, con saída dende o Paseo da Corredoira de Tui. A proba terá carácter solidario cos afectados de Paramos.

O Tyde participa esta fin de semana no Torneo Internacional de Fútbol de Versmold que terá carácter solidario cos afectados de Paramos

Undefined

O equipo alevín do Tyde CF participa dende hoxe e ata  o domingo no Torneo Internacional de Versmold xunto a equipo de Francia, Eslovenia, Eslovaquia, Polonia e Alemaña. Un torneo que despois da catástrofe sucedida na parroquia tudense de Paramos a pasada semana terá carácter solidario. A localidade de Versmold desexan solidarizarse cos afectados e durante o torneo recadarán fondos para os afectados de Paramos.

Máis de 200 persoas participarán este sábado na XV Andaina Tudense

Undefined

Máis de 200 persoas participarán este sábado na XV Andaina Tudense organizada polo club AndaTui RegodaPedra coa colaboración do Concello de Tui.

Na presentación desta actividade celebrada onte á tarde na casa do concello de Tui estiveron presentes o alcalde de Tui, Carlos Vázquez Padín, o concelleiro de Deportes, Andrés Urseira, e os responsables do Club AndaTui, José Martínez Tato, Xosé Manuel Novoa, e Lourdes Vázquez.

Agrudebam organiza mañá unha xornada de xogos populares en Tui

Undefined

Mañá martes, 8 de maio, a Agrupación Deportiva Baixo Miño AGRUDEBAM, en colaboración co Servizo de Deportes da Xunta de Galicia, vai organizar unha xornada de Xogos Populares para o alumnado de 6º de Primaria. Celebrarase no patio do CEIP nº2 de Tui, de 10.00 a 12.00 horas.

Na proba participarán ao redor de 160 nenos e nenas dos colexios CEIP Pazos de Reis, CEP de Caldelas, CEIP de Guillarei, CEIP Nº1 e Nº2 de Tui, e CEIP Sobrada de Tomiño.

Páxinas

Subscribirse a RSS - Deportes